2026-mi
apriilimi aalisakkat qaleruallillu tunisat
2026-mi apriilimi tunisanut kisitsisit Naatsorsueqqissaartarfimmit matumuuna saqqummersinneqarput. Kisitsisaataasivimmi nalunaarsuutit atorlugit tabelimi kisitsisit takuneqarsinnaapput, kisitsisinilu aalisakkat pingasut ukiut kingulliit tallimat ingerlanerini qaammammi pineqartumi tunisat pineqarput. Eqqumaffigineqassaarli kisitsisit 2025-moortut aamma 2026-moortut suli kisitsisaagallartutut naatsorsuussaammata.
Tulaassineq tassaavoq pisanut atorneqartartoq, piffissamillu pisanik usingiaaviusumik takussutissiisoq, tunisinermili pisat pineqartut qaqugukkut naatsorsuusiorneqarsimaneri aamma tunisatut nalunaarsugaasimaneri uuttortarneqartarput.
Pisanut, tulaassinernut aamma tunisinernut piffissat assigiinngissinnaammata annertussusiisa allanngorarneri tulleriittuaannanngillat.
Taamaattumillu tunisineq aningaasaqarnikkut qanoq ingerlasoqarneranik takussutissiisarpoq, tulaassinerlu aalisarnerup ingerlanneqarnerani pissusiviusunut qaninnerulluni.
Saarulliit, qalerallit kinguppaallu tonsinngorlugit apriilimi tunisat, aalisarfiit malillugit
|
Suussuseq |
Aalisarfik |
2022 |
2023 |
2024 |
2025 |
2026 |
|
Saarullik .... |
Sinerissap qanittuani |
1.102 |
2.765 |
2.110 |
2.517 |
4.483 |
|
|
Avataasiorluni |
916 |
- |
703 |
2.683 |
2.212 |
|
|
Katillugit |
2.018 |
2.765 |
2.813 |
5.200 |
6.695 |
|
Qaleralik .... |
Sinerissap qanittuani |
7.914 |
7.555 |
6.018 |
4.802 |
4.367 |
|
|
Avataasiorluni |
- |
- |
202 |
3.148 |
1.974 |
|
|
Katillugit |
7.914 |
7.555 |
6.220 |
7.950 |
6.341 |
|
Kinguppaat .. |
Sinerissap qanittuani |
8.163 |
11.434 |
8.795 |
8.561 |
8.213 |
|
|
Avataasiorluni |
7.555 |
5.468 |
3.550 |
3.886 |
4.384 |
|
|
Katillugit |
15.718 |
16.902 |
12.345 |
12.447 |
12.597 |
Najoqqutaq: Naatsorsueqqissaartarfik – Kisitsisaataasivimmi kisitsisit takukkit: https://bank.stat.gl/FIN012
2026-mi apriilimi saarullinnik tunisineq piffissami 2022-miit 2026-mut annertunerpaavoq. Qaffariaat pingaartumik sinerissap qanittuani aalisarnermik peqquteqarpoq, avataasiorlunili aalisarneq suli malunnartumik annertusaaqataalluni.
2026-mi apriilimi qalerallit tunisat 2025-mit annikinnerupput, sulili 2024-mit annertunerullutik. Ineriartorneq ukiup siulianut sanilliullugu sinerissap qanittuani aamma avataasiorluni aalisarnermit tunisat appariaateqarnerannik takutitsivoq.
2026-mi apriilimi kinguppannik tunisineq ukiuni kingullerni marlunni tunisat annertussusiinut qanippoq. Sinerissap qanittuani aalisarneq aalaakkaasumik inissisimavoq, avataasiorlunilu aalisarneq 2024-mut aamma 2025-mut sanilliullugu qaffassimalluni.
Piffissami 2012-imiit 2026-mi apriili tikillugu tunisat annertussusaannnut naliginillu paasissutissat suussutsiunut, qaammatinut sumiiffinnullu immikkoortiterneqarsimasut Kisitsisaataasivimmmi nassaarineqarsinnaapput.
Saqqummersitsinissaq tulleq maajimut tunngasoq ulloq 7. juuli 2026-mi saqqummissaaq.